لآلئ شعرية

ضاق الغمام وفح صدر المزاريب
يالله بجاهك ياعليم الغيوبي
يامنجي يوسف من الجب والذيب
بحماك ياستر خفايا عيوبي
صاحوا تناخوا دورو بي عذاريب
تجمعوا ليلة وزا سولفوا بي
أثري مسوي بالقلوب الاعاجيب
وانا مثل وجه السماء نقش ثوبي
انا وسيع بطان راهي مطاليب
ماضيق لوشانت نوايا دروبي
آرد وصدر واخذ العلم واجيب
ماني على طرش الرعاع محسوبي
بردت كبدى من قراح المشاريب
دوبي رويت من الشهاليل دوبي
خليت للحاقد طشاش وحثاريب
يتوب وإلا قلعته لايتوبي
شعرى زها بجباه بيض المكاتيب
شعرى على طرياه هبت هبوبي
شعري رسايل عيد طيب على طيب
شعرى لوى تلعات الارقاب صوبي
شعري شهد له طيبين المجاذيب
وش عاد لو سود النوايا حكوبي
لوكان مالي غيرها من مكاسيب
ما ابغي شهادة ميتين القلوبي