(وقت الغروب)

يشاركنا لأول مرة الشاعر سويد بن جهاد من خلال هذا النص وندعوكم لمشاركتنا قراءته إذ يقول:
قالت التوبه على قدر الذنوب
قلت كيف الذنب والأوجاع توبه
قالت العشاق في وقت الغروب
يبحرون بشوق والخطوه ذنوبه
قلت وش جاب الشمالي للجنوب
قالت الغربي على الشرقي هبوبه
قلت ليه التوت في المبسم يذوب
قالت الساحل تداعبه الرطوبه
قلت ليه اليل بيدين الهبوب
قالت الإعجاب مايترك سلوبه
قلت مادري لكن الدعوه سلوب
قالت ادري بس ماني بمغصوبه
قلت عادي لو تشوفيني أذوب
قالت الأشواق تاليها عقوبه