والجوع السهم بلون أحمر !

عيني يا ديما سهرانه
لدّي لي ياغصين البانه
عدّيني دمية تتكلم
بهموم العالم مليانه
لو مالك باللي يعنيني
ماكانت عيني سهرانه
الحرف اللي قمت اهذي به
حرٍ نادر بين اقرانه
يعشق وحده ماتقرب له
من صنف الناس الشبعانه
والدها باسم الحرية
قديّس ينادي في حانه
الله يستر من تاليها
تاليها واضح عنوانه
الدنيا هاذيّه موطن
نحلم نسترخي باحضانه
والظلم اللي هدّ الدنيا
تهميش الناس التعبانه
والغربة يا بنتي يعني
عصفور وفاقد جنحانه
والبرد القارس يا ماما
بيتِ ماتدفي جدرانه
والجوع السهم بلون احمر
سهم الجوعا كيف الوانه؟
والسوق البحر المتلاطم
حوت ياكل رزق اخوانه
والحاجة تعريف ل حاجة
من حاجة صارت قنعانه
والفقر اللي يطرون اسمه
يعني بابا والديّانه
والباقي في قلب الشاعر
والشاعر مقطوع لسانه