الحقيقة - يسمعون بالنصب

يا جماعة وش السالفة؟ وليش المدربين واللاعبين الأجانب يستغبونا لها الدرجة؟ معقولة كل ماجا مدرب ولا لاعب أول ما ينزل من باب الطيارة
يقول تلقيت عروض كثيرة ومن أندية كبيرة بس فضلت عرضكم، وهالأندية والاعلام عندنا يطيرون ب"العجة"على طول. ولا بالعقل أنت يالمدرب ولا اللاعب تبي تترك عرض ليون ولا تشلسي على شان خاطر عيوننا! ولاسمعة أنديتنا اللي تتميز بسرعة تغيير إلغاء العقود؟ ولا عشان"القرنقش"وسهل ينلعب علينا وممكن تلخمنا بمساعد ولا لاعب من"ربيعكم سكة"و"تلهط المعلوم"وياالله تصك هالشناط من"الأرزاق"وتقول الوعد قدام وترجع تحشنا وتقول مانفهم!
واللي جاب الطاري كثرة هاالتصاريح من اللاعبين والمدربين وآخرهم كندينو اللي ماقد حشنا أبد!
ويا ليت الصحافيين ما يهتمون بهاالسوالف الفاضية ولا طقوا مشوار للمطار وعبوا بنزين على حسابهم يحاولون يظهرون بشي جديد على الأقل ويتركون عنهم اللي ما يودي ولا يجيب. ترى ملينا من هالنصب اللي عينك عينك... وسلامتكم.
ابن البلد
iabalad@maktoob.com