موية الغربة

- 1 -
والله آسف..
اعذريني..
لأني بالمرّة غبي..
من صباح أشرح لك ظروفي..
ولا أدري ويش أبي ..
وإنتي الله يسامحك مالك مزاج!!
- 2-
بس حلوه..
ما هقيت إني ظريف..
صارت ظروفي تضحّك..
شفتي كيف؟!
كنت مخطي وكان ضحكك احتجاج!
- 3 –
يللا عادي ..
وش يهمّك؟!
وإنتي ما به بينك وبين أمّك إلا غرفتين
لا يهمّك طال عمرك..
قولي كل اللي تبين..
إمبراطوره ولا ناقصك تاج!
- 4-
وآنا متغرّب وحيد..
آتسلّى بالهموم..
وبالبنات التافهات..
وبالقصيد..
لأن ما لي نفس أصلاً لأي حاجة..
صرت آكل أي حاجة..
لأجل أعيش.. وما أشْرب إلا لأجل أعيش..
موية الغربة: هماج!