أصبح طفل لم يتجاوز السادسة من عمره اصغر مصري يحصل على الشهادة الدولية لقيادة الحاسب الالي (آي سي دي إل) هذا العام. ونجح محمد كريم في الحصول على شهادته بعد 15 يوما فقط من الدراسة استعدادا للامتحان. وذكرت جيهان عمر والدة كريم انها لا تصدق ما وصل اليه ابنها من معرفة متقدمة في مجال الكمبيوتر. وقالت الأم "يعني أنا عارفة الآي.سي.دي.إل وعارفة صعوبتها. فطبعا ما كنتش (لم أكن) مصدقة. والحمد لله.. وأنا بالشهادة دي وبالإنجاز اللي هو عمله ده.. ده خلاني أعرف قدرات ابني النهاردة ايه وح أعرف أوظفها إن شاء الله." ويقضي محمد كريم وقتا طويلا أمام جهاز الكمبيوتر مع صديقه الصغير محمد اكرم. ومضت جيهان تقول "اللي (الذي) ساعد محمد كمان (أيضا) على الأسئلة دي وأي حاجة كان بيقف فيها ومستر ندا مش موجود طفل زي محمد.. الطفل محمد أكرم حجازي. بيقعدوا مع بعض.. تتفرج بقى على الطفلين والاثنين قاعدين مع بعض وواحد بيشرح للثاني.. ده غلط لا ده صح.. اعمل ده كده.. لا اعمل ده كده.. فحتة كمان ان الأطفال بيساعدوا بعض دي بتجيب نتيجة." ومع اتساع نطاق استخدام الكمبيوتر على مستوى العالم بات كثير من الشبان يكتسبون هذه المعرفة التكنولوجية في سن صغيرة. لكن محمد كريم لا يقضي كل وقته امام شاشة الكمبيوتر إذ يستمتع أيضا بممارسة رياضة الجودو وقراءة قصص الاطفال. وقال محمد "هو أنا دخلت الامتحان ونجحت فيه الحمد لله.. جبت 81." وذكر ان صديقه محمد اكرم يشرح له احيانا بعض الأمور المتعلقة ببرامج الكمبيوتر. وتابع بقوله "واحنا (نحن) قاعدين على الكمبيوتر.. اللي انا ما أعرفوش (لا أعرفه) باقول له يا محمد ايه ده.. يقول لي كذا كذا كذا وبعدين أعمله وأوري له السؤال اللي بعده." وقال محمد اكرم ان محمد كريم الذي يريد ان يصبح مهندسا للكمبيوتر في المستقبل سريع التعلم. ودلل على ذلك بقوله "هو لما كان بيتزنق في سؤال بيناديني يقول لي يا محمد مش فاهم ده فأقول له ماشي. يعني مثلا كان السؤال حفظ باسم (بالانجليزية) أقول له ده ملف (بالانجليزية) ونختار حفط باسم (بالانجليزية). فهو يفهم على طول عشان كان ذكي." وحقق محمد كريم شهره بإنجازه غير المسبوق لدرجة ان مدرسته أطلقت اسمه على معمل الكمبيوتر فيها تقديرا له.