مفاهيم الغبا

إذا كان الموت في واجب وطن محلا حلاه=وإذا كان الجرح ينزف للوطن يامرحبا
بلغوا أحمد نجاد إن الهزيمه لعملاه=وابلغوه أن الأمل مفقود في دولة سبا
وابلغوه ان السعودي صد موجه واعتلاه=وابلغوه ان لعبته تحمل مفاهيم الغبا
ياعسى الأيام تعصف به وتعصف بزملاه=وياعسى ليله يطول بكل حلم(ن)مرعبا
جند الحوثي وساقه في متاهات الفلاه=مادرا أن أسودها ونمورها تترقبا
جهزه بالحقد والتظليل وبدعمه بلاه=وافلته في معمعة نار(ن)تعج وتلهبا
ياكثر أسراه بايدينا وياكثر قتلاه=وياكثر جرحاه في ميدان مايكذب نبا
عادة الجيش السعودي من وقف ضده قلاه=مثل جن(ن)من مكامنها تثور وتغضبا
يفتخر صقر العروبه ويرتكي ويعلن سلاه=عنده رجال(ن)تجيب الصعب لو كان اصعبا
والله انه في قلوب الناس ساكن من غلاه=نفتخر بقيادته والكل في حبه ربا
وانت ياسلطان وجه الخير رجعك الإلاه=وابتسم وجه الحياه لبسمتك والموكبا
كان للشعب السعودي هم ورجوعك جلاه=سلهمت كل العيون تشاهد اجمل كوكبا
السما يهل غيثه والفلا ينبت كلاه=والأمن عم البلايد وابتعد عنها الوبا