عسى الجنة ثوابك

ما توفي حق أبوسلطان دمعه
وما يسد الدمع لو نبكي بحور
(في القلوب) العمر كله كان ساكن
ولولا شرع الله ما يسكن قبور
ومنهو غيره ينفدي لو فيه حيله؟
مير هذا الموت له كان (ن) تدور
وأشهد إن الموت حق وله مهابه
وكل حق (ن) ما تضيق ابه الصدور
إيه ياخالد، عسى الجنه ثوابك
وياعسى (في الصبر) لي بعدك طهور
ياكبير وياعزيز القدر عندي
يانظيف وياعفيف وياستور
أظلمت بعدك سكاكا في عيوني
ومن غيابك انطفي في الجوف نور
وما ألوم دروبها وإلا سماها
وانا أعيش بصمتها نفس الشعور
يالله إنك تحسن بعفوك ثوابه
ومن نعيمك تلبسه ثوب السرور
ويالله إنك تبني له - وانت - اللي قادر
في جنانك ياولي العرش دور
توي أدري بس وش معنى فقيده
وتوي أدري بس وش معنى صبور
بسام حمد السلامة