وغبن عيني

وغبن عيني لفعل بعض الرياجيل=لا نافع نفسه ولا نافع الناس
صنفت أنا اللي شفت من دون تأويل=من عشرتي للناس من كل الأجناس
كلٍ بها الدنيا جمع له محاصيل=احد كنز واحد يون من الأوناس
واحد مقفي مكثرا بالتهاليل=كاسب رضى ربه قبل دق الأجراس
واحد لياشاف الحمل زاد بالحيل=راح وتناسى كاسب دوم الافلاس
واحد يمينه قدمت له زنابيل=مذكور له بالطيب في كل مجلاس
واحد في ساعات الرخى رجل حلحيل=وان جات صملات الرياجيل ينلاس
يقوله اللي جرب الوقت والويل=شرب المرار ويشرب الحلو في كاس
وياما . . حلا دق النجر تالي الليل=في مجلس طيبه موثق على ساس
مافيه غير اللي يمينه مقابيل=من مجبده يجبد ذهب حر والماس
وياما حلا الفزعات لا صاحت الخيل=وكل كسب له فالمواقيف نوماس
يذكر . . له التاريخ جيل بعد جيل=وكل بما قدم يعدونه الناس