مرثية في معالي الكابتن أحمد مطر

مرثية في الإنسان الذي كنت ولا زلت وسأظل استمد منه
شرعية الوفاء لكل الأصدقاء والزملاء والاحباء
صبح الصباح غريب كئيب
ببلاغ حزين لكل البشر
غاب القمر
مات الشجر
راح النسيم.. جف المطر
جانا النهار يبكي ويسأل
الشمس غابت ليه يا ناس.. ايه الخبر
نهار حياتنا ازاي يكون
لو الشعاع نوره انكسر
وازاي يا ناس يحلى اللقا
في ليل سماه من غير قمر
هو الخريف يبقى خريف
من غير رياح تنشر عطر
ولا الربيع يبقى ربيع
من غير زهور فوق الشجر
والصيف يكون ازاي بدون
نسيم عليل وقت السمر
ولا الشتاء ازاي يمر
من غير ما يروينا المطر
كل الفصول.. راحت تقول
في صوت حزين جانا الخبر
غاب القمر
مات الشجر
راح النسيم.. جف المطر
شمسي غابت يوم ما غاب
صديق في قلبي اسمه انحفر
والدنيا ايه من غير صديق
وفيّ ووفاؤه مثله ندر
في قلبه الكبير عاش الصحاب
صعب الفراق.. شاء القدر
والدنيا ايه غير لقا وفراق
حضن وعناق.. هجر وسفر
واليوم فراق.. ابكى يا دنيا
غاب الوفى.. أحمد مطر
د. أسامة زهران
الخدمات الطبية الخطوط السعودية