الله يديمك حي لعيون ترجيك

سبحان من وثق محبتك وخلاك=بدر العرب عندي ما واحد يساويك
يا للي طريت البال والعلم ينصاك=مني سلام الطيب ينصاء معاليك
تفضل دام بالقلب مركاك=واشرب قراح المجد والله يحييك
ما دام وصل الحر مثلك وشرواك=يزيدني تشريف وشلون موفيك
بعلم يشوف العين ويعز مجناك=علم يشرف كل من ينتسب فيك
مع الصباح ومطلع النور يشعاك=الله يديمك حي لعيون ترجيك
ويسعد حياتك يالصميدع وياقاك=ويديم ستره دايم الدوم وينجيك
من كل شر وكل حاسد ويرعاك=في ظل ربعٍ تحبك وتغليك
يا للي هقاويك وروابعك ومبداك=اشهد شهادة حق ما فيها تشكيك
دآمه لا جاك العلم ما هو يتعداك=فقبل سلامي قبل ماالعلم ياتيك
من صاحب يا ما تشرف وخاواك=يوم الردى ما له صديق يخاويك
حرام لو تنساني لا يمكن انساك=دام الخفوق اللي ملكته بياديك
ناصر سعيد القحطاني - جدة