(مقشر الفرقا)

ياوقت يكفيك ما قد راح من حالي
خل البقية وروحي لا تعذبها
يكفيك همي وتعذيبي وغربالي
وايامك اللي تجرعنا مصايبها
يقلون الأيام بين المر والحالي
واقول ما غير كاس المر شاربها
أحزان و هموم دنيا ما لها تالي
ترسي على القلب وتغرز مخالبها
ون قلت اسج القدم وجر موالي
واسلي الروح بالابيات واطربها
اتهيض الأحزان لا من شفت الاطلالي
الله يا مقشر الفرقا ومصعبها
فرقا رجال(ن)لهم في المجد منزالي
قدامها القوم ما تفتل شواربها
راحوا ومهما يعيش الشخص رحالي
ما باقي امن القبور الا نصايبها
يالله يا رب يا معبود يا والي
تكتب لهم رحمتك يا رب تكتبها