(عابر)

اعتبرني عابر وكنك سبيل
عابرك يجهل حلالك والحرام
كان تعجز عن ثقل وزني تشيل
من طويل الصبر فصل لك حزام
احتزم مالك معي غير الجميل
لا تضيق الا على صغار المقام
غير هذا ما انت لاقي لك بديل
لو تعذر بالمسافة والزحام
ما قطع طول الدروب الا اصيل
والزحام تضده جنوب الكرام
والعيون اللي يغطيها نثيل
كيف ترواها بعد صارت ركام
لو كبر حلمك ترى مابه حصيل
مير حمل حلمك اسراب الحمام
لو سراب الحلم يملاله صميل
من صميله ما رويت الا ملام
من سرابه لا تدور لك مقيل
في صعيد الحرب ما تلقا سلام
قادك اعنادك على حد الصقيل
جرح روحك ما يدويه الكلام
لا ترجا جود كف المستحيل
ولا يغرك جود كفه في المنام
لو تقول الحلم في ايديني دليل
قلت لك واقعك ما يروي هيام