العهد الجديد

بشاير الخير طلت مع العهد الجديد .. عهد سلمان استمرارا لمسير الخير والنماء والعطاء لهذه البلاد الكريمة.
عهد جديد وخير في كل الاوطان
مع فارس للعز شيد مكانه
أبو فهد راس الرجاجيل سلمان
تاج الملوك وسيد في زمانه
عاصر ملوك وزاد في العز بنيان
وأهل الرياض إسنين في برلمانه
موسوعة التاريخ علمٍ وعرفان
خبير دولة واثق من كيانه
ابو فهد معروف في كل ميدان
حِنكة فطين نعرفه من لسانه
صادق صدوق وكل ما يضمره بان
واضح لكل الخلق سرعة بيانه
قدم لشعبه من هداياه تبيان
مع طلَّته للحكم اعلن بيانه
وأوفى الضعيف الكيل زايد ومليان
والمعسرين إتشرَّبوا من حنانه
سلمان عز المملكة منهجه بان
يكمل مسيرة من سبق من خوانه
ساير على نهج المؤسس كِحيلان
واخوانه أهل العز صدق وامانه
والحكم لله ثم للشهم سلمان
صقر الصقور اللي يعزز امانه
يردع دعاة الشر في كل ميدان
واهل الشرور مصاحبين الخيانة
وحنا هل التوحيد شيب وشبَّان
نفدي بلدنا دون عرضه صيانة
نحمي بلدنا عن هو كل شيطان
والجاهل اللي شذ نكبح جنانه
في الشرق ولا الغرب في كل الأزمان
ما نختلف عا النهج ولا الديانة
دستورنا القران في كل ما كان
والشرع يحكمنا بيسير وليانة
ياسيدي سلمان تفداك الأبدان
نفديك بالأرواح حصن وحصانة
واختم صلاتي على النبي نسل عدنان
نبينا المختار راعي الأمانة
الشاعر العقيد م/ محمد بن فراج الشهري
[email protected]