حييت يا طيرحورانِ

حييت يا طير حورانِ
صقر العرب يا رفيع الصيت
يشكرك بادي وبلدان
علّيت كل الوطن واعليت
وعلّيت في كل ميدان
ووفقك للخير رب البيت
كلفت بالعهد سلمان
يابو فهد بالعهد هنيت
هنيت في سر واعلان
يابو فهد مع غلاك غليت
خلفت نايف وسلطان
من عارض طويق غربي هيت
الى حقل لحدود جيزاني
لأبوظبي إلى قطر الكويت
لطريف إلى قبلة معاني
كل الوطن قال لك حييت
أهلاً وسهلاً بسلمان
نايف رحل وانت بعده جيت
إذا غاب كوكب ظهر ثاني
للراحل الفوز وانت بقيت
لسعد الوطن مر الأزماني
تبقى وتبقى وفيه كفيت
من شر حاقد وعدواني
وفي شكر أبو متعب ما أخطيت
صقر العروبة كحيلاني
لو قلت ثم قلت ما وفيت
عساه يجزى بالإحساني
ويا موطن العز لك كنيت
حبي بدمى ووجداني
الشاعر/سعد بن عبدالله الكثيري
محافظة الحريق - المفيجر