تعازي وبيعة

عم الأسى في أرضنا والفجيعه
مات الملك ياشعبنا مات الإنسان
مات ابومتعب جعل ربي شفيعه
اللي حكم شعبه بسماحه وإيمان
فيه التواضع في حياته طبيعه
فيه الشموخ وفى المواقف كحيلان
ماغرته دنيا لعوب ووضيعه
حكم كتاب الله في كل ماكان
يارب تدخله الجنان الوسيعه
وتحفظ لنا يارب للدين سلمان
سلمان له منا تعازي وبيعه
ولولي عهده بيعة رجال ظفران
ولمحمد النايف بلدنا مطيعه
له بيعة بأمر الملك عالي الشان
لملوكنا منا وحسب الشريعه
بيعة وفا لهل الوفا قبل والان
وللأسرة اللي حاكمه ف..الطليعه
وللشعب كله والعروبه والأوطان
منا التعازي والسواعد منيعه
يارب تجبرنا على سقم الاحزان