الموت ما يرهب قلوب المسلمين لكن، فقدك يابو متعب فجيعه يا مفني عمرك على خدمة الدين الله يسكنك الجنان الرفيعه يابو اليتامى والعباد المساكين يا منقذٍ كرب النفوس الرضيعه كم من سيامي جاك جسم بروحين ونفوسهم بين الرجا والقطيعه واقفوا وأبو متعب وقف بين الاثنين وكلٍ يقول الله يحسن صنيعه وكم من سجين وموعده يوم يومين عند أولياء الدم تاقف شفيعه يا جامع قلوب العرب بين كفين ويا مصلح قلوب طوتها القطيعه غيبتك بصدور العروبة براكين وش حالهم يوم الإذاعة تذيعه توافدوا من كل دولة معزين لو ما جمعنا مع بعضهم شريعه ومن شاف دمع أطفالنا والمسنين يبغى يعرف معنى الغلا والخريعه مآثر بقلوبنا والشريفين وكلامك اللي نابعٍ من طبيعه وأبشرك ب إنا على العهد ماشين والدار يا صقر العرب ما نبيعه وسلمان أبونا وكلنا لأمره يدين نبايعه ونفوسنا له مطيعه حنا جنود له على العسر واللين ومنا لولاة العهد بيعه وبيعه تدعي له كفوف العباد المصلين وأرواحنا دونه حصونٍ منيعه رجل السياسة والأدب والقوانين رمز الحكومة موقعه بالطليعه أبو فهد والرمز نخلة وسيفين شعبه على رأيه سيوفٍ بتيعه دون الوطن ما فيه بكره، وبعدين تضيق بعيون العداه الوسيعه وحنا بشر، من طين ونعوّد لطين لكن، فقدك يابو متعب فجيعة مرضي الخمعلي
