مشكور

ولأول مرة كذلك يشاركنا الشاعر طلال الطرقي من خلال هذا النص ( مشكور)، أقراوا طلال لتستمتعوا به إذ يقول..
مشكور من قلب ينزف سبة غيابك
والشكر لله قبل أشكرك .. سبحانه
أتعبت رجلي وأنا واقف على بابك
وأقول فدوه مدام إنه على شانه
بكرا تجي والدموع تغرق أهدابك
تطلب رضى قلب ، قلبك عزل وخانه
ماكنت له نبض ، إلا كان يحيابك
ماكنت به دم ، إلا كنت شريانه
من كثر ماهو يحبك كان يزهابك
ماكان في باله إنك تهدم أركانه
ناديت للشوق..ليه الشوق ماجابك
ناديت من قلب عقبك يشكي أحزانه
أقفيت عنه وهو يادوب يبدى بك
غنى لك الحب لين أدمن على ألحانه
واليوم يشكرك .. ينزف سبة غيابك
والشكر لله قبل أشكرك .. سبحانه