(الناس طنشها)

لاول مرة يتواصل معنا مشكورا الشاعر الجميل عايض ابوشيبه والذي خص قراء ( ملامح صبح ) بهذا النص ( الناس طنشها ) والذي يجسد من خلاله رؤيته تجاه من ابتلي بمراقبة الاخرين، ومع شكرنا له على إهتمامه وحرصه، ندعوكم لمشاركتنا قراءته حيث يقول:
الناس ما تترك المخلوق في حاله=خلك على منهجك والناس طنشها
لاصار لك منزلٍ بالطيب تسعاله=اعتش وخل الخلايق في معايشها
ماعاش من راقب العربان بأفعاله=يخطي على صافي افكاره ويبلشها
ويتوه في مرقبٍ بالراي ماطاله=لأن المخاليق ما تترك نوايشها
ترمي حبال الخطا والنقص في جاله=لو كان عينه لهم بالورد فارشها
وتسرهم شوفته في حال يرثاله=حتى لو انفوسهم بالطيب ينعشها
هذا زمانٍ عجيب وزادت اهواله=حتى المقابر يجيها من ينبشها