( مركب غرامك )

الليله انفاسي تدور على انفاسي =زلة حنينٍ تجيب العلم وتخابر
حاولت اغالب صياح الشوق بنعاسي =وصورتك لاعماقي اللي تشبهك سابر
ان قلت ناسيك والله ماني بناسي =لو خطوة البعد وقّف دونها الشابر
ياصاحبي ياوجودي ياغلا ناسي =لاتحسب انّك فقط في دنيتي عابر
مركب غرامك على مينا الهوى راسي =وآذود عنّه رياح الغدر وآثابر
لني عرفت الهوى مع طولة مراسي =لوينكسر ,, ما لكسر قلوبنا جابر
طبع الوفا في دمي رغم اني اقاسي =طبعٍ من الله وترثة كابر وكابر
طالبك لا تختبر باسم الوفا باسي =الشك لاثار شين ويقطع الدابر
لاتنخدع ، فيك مايخدعني احساسي =منت بمثل ما فؤادي من سنه خابر
مدري هو الحظ ولا طبعنا قاسي =ايامنا تشتعل ونشوف ونكابر
ومهما جرى دبرة المولى على راسي =بصبر عسى الله يفرّجها على الصابر