احتياج

( ساره العتيق) شاعرة تشاركنا لأول مرة بهذا النص (احتياج ) ومع شكرنا على حرصها وتواصلها مع ( ملامح صبح ) ندعوكم لتشاركونا قراءتها
حيث تقول:
بس أفكر...كيف أمي بالرحيل = بالقبر..تحت التراب ..بدوننا
دون وصل ..وبلا لِقاء..وسلسبيل = وين صرتِ ..بعد ما كنّا هنا
النداء اللي أبثّه طول ليل = أرغب أنّه يتجه لك ..يالمُنى
دايم اشعُر باحتياجي..للهميل = يتدّفق من عيون أمي لنا
وش أنا من دون طرفك..الْكحيل = من بَعَدْ موتك يا يمه..وش أنا
لا جفاف الدمع..لا ظلٍ ظليل = لا وفاءٍ للفرح بعد العنا
كيف أصبر.. باقي العمر الهزيل = دام عمري يستمد منْك السنا
افقدك في درب حلمي الطويل = انتصفته ثم غبتِ عنّنا
كثر ما مالت رياحٍ بالنخيل = في ليالٍ مبهمه عدت بنا
رتبوا حزن المعانق للهديل = طيفها عيّا يفارق بالنا
بس أفكر...كيف أمي بالرحيل؟ = بالقبر ..تحت التراب..بدوننا