( تمهل )

الشاعرة تهاني بن جريس أوشاعرة الجنادرية كما يطلق عليها تخص قراء ( ملامح صبح ) بهذا النص ( تمهل ) ومع شكرنا لها ندعوكم لقراءتها حيث تقول:
تمهل يالرفيق اللي قفل قلبي على بابه = تمهل للوفا بابه وحراسه عليه ابواب
ترى بعض السوايا للندم والحزن جلابه = وانا ما امشي بدربٍ فيه موهوب العقل ينعاب
انا اللي بعذرك لاقلت لي يابنت جذابه = ولكن قبل تتغزل تعال اسمع من الجذاب
هذاك اللي سعد منهو بقى معه وتهنابه = سعد والله من ضمه على ذيك الجروح وطاب
هذاك اللي تميز وإن تميز له من اسبابه = وإذا كان العفو طبع الشيوخ فهو يفك رقاب
اعرفه زين واكثر من يعرفه يحسب حسابه = إذا جا يفرض وجود احترامه دله وترحاب
إهو من غاب عني يا شقى من قفّت ركابه = يمين ان العباير في وسط حلقي تغز الناب
أحبه تشهد اللي فوق خد الورد منسابه = أحبه علمه وش كثر انا احبه وقله ذاب
على رغم السدود اللي بنتها ظروف غلابه = إذا هو تاب عن حبي ف قِله عاشقك ماتاب
انا اللي ماتخيّر غيره ولو طوّل غيابه = ولو شق الزمن فيني ورقّع ماسواه ثياب