تايهين!..

مثل بعض العاشقين ..
حالنا (حال السهارى)..
الحيارى المحرومين..
إنعمينا ما نشوف..
غرقى في بحر الظروف..
كُل ما حاولنا نرسى ..
ما عرفنا نرسى وين..
***
كيف نرسى والغيوم..
غطت أنوار النجوم؟..
فجأة مركبنا تكسر..
بين أمواج الهموم !!!..
من شتات إلى شتات..
ضايعين بها الحياة..
صرنا في حالة كآبة..
ما هو من توْ من سنين ..
***
تاه ربان السفينة..
ما عرف يلقاله مينا..
ما لقينا من ياخذنا..
وينتشلنا من اللي فينا..
(عتمه) (وأمواج) (وعواطف)..
(وريح) مثل الموج عاصف..
في بحور الشوق تُهنا..
(نبكي) (نصرخ) (غرقانين)..