صيرفيات

انا تاجر .. انا اللي لبلدان العالم هاجر
احضر بضايع واكون دكاكاين ومتاجر
لي مستودعات واسوي ما سواه فاجر
استغل الازمات ورفعي للاسعار مباشر
ابو ميه راسا اضعاف .. ولا ابدا اخاف
بضايعي قديمه ما تنشم ولا حتى تنشاف
انشر اعلانات بأحلى كلمات واوصاف
ما يهمني يموت يعيش بلا اي اعتراف
ورفع الاسعار في السوق اهم حاجة
رصيدي يزيد ولو كانت الناس محتاجة
اما التجار الصغار اقلبهم على صاجه
ولاهمني صياح احدهم ولا احتجاجه
ويوم ترتفع الاسعار وتردد بها الناس
اخبي بضايعي شويتين واسمع الجلاس
بعدها العب بالسوق بلا ادنى احساس
لا خوف او رعب ولا قلق بلا وسواس
اما الزكاة عاد لعبتي واصرف بشطارة
استغل ناس بالزكاء واعوض الخسارة
فلوسي ابد ما تنقص استغلها بمهارة
واعرف اقرض الناس ببضاعة لي تعود
مبلغ السلفة اضعاف والتأخير سجن
عنده اولاد.. حاله تعبان ابدا لا حزن
انا عقلي وتخطيطي شر وسوء ظن
وخسارة التجار غيري لعبة وفن
يخسر الكل المهم تجارتي واموالي
اقول لأهلي اموالي لا تنقص يا عيالي
لا تأخذكم رأفة او شفقة بكل اشغالي
الجبروت القسوة هي اسباب عز حالي
انا تاجر منزوعة الرحمة من جوة قلبي
اغامر وامرر بضايعي شرقي غربي
وادخل فلوس حرام في حرام تربي
التاجر صحي من حلمه قائلا ياربي
النار .. ثعبان .. مين ينقذني النجاة
الله اكبر .. الحمد لله .. استغفر الله
كان كابوس فظيع الصحو منتهاه
الدنيا عمرها قصير لو طالت واعطت
كم هي مغروره مهما الفلوس غطت
بكره الاعمال هي يارفعت ياحطت
كتابنا يا ترى حسنات ام سيئات خطت