استجواب وزير الخدمة حول 147 ألف وظيفة حكومية معطلة

يواجه وزير الخدمة المدنية محمد بن علي الفايز، يوم الأحد الرابع عشر من الشهر المقبل، تساؤلات عدة من أعضاء مجلس الشورى حول عدم شغل أكثر من 147 ألف وظيفة شاغرة في الجهات الحكومية، ونحو 69 ألف وظيفة يشغلها أجانب، خصوصاً في سلم الوظائف الصحية والتعليمية. وتتضمن التساؤلات، سلم أعضاء هيئة التدريس والمحاضرين والمعيدين وسلم رواتب الموظفين، في ظل الحاجة إلى شغل هذه الوظائف واستيعاب طالبي العمل الذين تتزايد أعدادهم، ولسد ما تعانيه الدوائر الحكومية من نقص في القوى البشرية لديها. وسيستمع الأعضاء لرؤية الوزير الفايز للصعوبات التي تتركز في عدم تجاوب بعض الجهات الحكومية في تزويدها بالبيانات اللازمة عن الوظائف والموظفين، وما يطرأ عليها من نقل وتكليف وترقية ووقوع تجاوزات في تطبيق الأنظمة، ومقترح الوزارة بأن ترفع تقريرا نصف سنوي إلى المقام السامي، يشار فيه إلى الجهات الحكومية التي لديها تجاوزات في تطبيق الأنظمة، ولا تتجاوب مع الوزارة فيما تطلبه منها. من جهته، أوضح رئيس لجنة الإدارة والموارد البشرية والعرائض في المجلس الدكتور فهاد الحمد، أن لقاء وزير الخدمة المدنية سيكون فرصة لاستيضاح الكثير من الأمور، خصوصاً حول توصية اللجنة التي طرحتها في تقرير الوزارة، التي تنص:«بتكليف شاغلي الوظائف التعليمية والصحية الذين يزاولون أعمالا إدارية ومالية بمباشرة مهام وظائفهم المثبتين عليها».
مانكبناء إلى وزير الخدمه المدنيه
هم ايش مايقيلونه ويريحوناء
اتمنى التحقيق في وضع الترقيات وخاصة الموظفين في الدوئر الحكوميه علما انا أكثر الموظفين لهم أكثر من 10 سنوات بدون ترقيه
ياناس الوظائف من ردى لأردى ..... آن الآوان لضخ دماء جديدة لهذه الوزارة المهمه كي ترتقي للأفضل . أطلب إعادة هيكلة هذه الوزارة بالكامل لتدخل الواسطة فيها وبشكل علني .... وشكرا
اغلب الموضفين يقومون باعمال بعيده عن تخصصاتهم
وخصوصا المهندسين ليش لان لايوجد موضفين كفايه
واذا صار شي الكل يلوم المهندس المسكين
ياليت المجلس يسال عن الاتي
لملذ لايعامل المواطن مساواه بالاجنبي باخذ ساعه غداء
حتي ياكل
لانه بشر
ويعمل حتي الساعهالرابعه والنص
ويقابل بشر مرجعين ( اغلبهم ) الله يجيركم من اخلاقهم
كل الافاظ القبيحه نسمعها
بعدين
يروح المواطن (المودب )
يقول انا مسكين ومظلوم
و الله حاله
نقول وين راحت الوظيف؟؟؟
حسبنا الله ونعم الوكيل عليك.
اضرب لكم مثال يبين لكم دجة الوزير المذكور..
احد الاشخاص تمت ترقيته على المرتبة السابعة قبل اربع سنوات وكان مدير شؤون الموظفين وفي نفس الوقت اللي ترقى فيه كان نازل فيه مرتبة ثامنة ،حطها في الدرج وعطلها مدة اربع سنوات حتى استحق الترقية بالمدة القانونية والحين ترقى عليها..اربع سنوات وظيفة معطلة !!!!!!!!!!!!!!!!!!!
الاقتراح ان تكون الوظائف والترقيات في جميع الدوائر الحكومية عن طريق موقع الديوان فقط..
وليس للدوائرالحكومية حق الا بترشيح اسماء المستحقين لدخول المسابقة او الترقية
من موظفيها...............
موضوع حصل لي انا خلال الاسبوع الماضي بعد ماقدمت لشؤون الموظفين طلب الترقية
لأني تجاوزت المدة القانونية (اربع سنوات)تفاجأت ان الوظيفة اللي بترقى عليها تم ارسال طلب تحوير لها من مسجل معلومات الى مراقب امن وسلامة!!!!!
بحجة ان احد الاشخاص الموظفين على بند يريد الترسيم على الوظيفة..وقدمت شكوى
لديوان المظالم والله يعين على الجاي..
استجواب
أحسن إنها قوية
فقط مجرد تساؤلات لو يبغى يجاوب بكيفه
ويكفنا ما حصل ما غازي القصيبي
استجواب
وبعدها قام أعضاء مجلس الشورى بالتصفيق له
ميزه وزاراتنا قراراتها كلها سليمة وصحيحة
وعملنا مجرد التصفيق
ان كانه صحيح الكلام هذا
يصير من المفسدين بالأرض
وتنطبق عليه الايه
( (انما جزاؤا الذين يحاربون الله ورسوله و يسعون في الارض فسادا ان يقطعوا او يصلبوا او تقطع أيديهم وارجلهم من خلف او ينفوا من ... الخ)
يوكل الأمر لغير اهله
ياخي هذا اقدم من الأهرمات مزليخ بها الوزارة ولذلك أمن العقوبه وأساء الادب
وبعدين هذي بشرى تحرك مجلس النوم
شدوا حيلكم يامجلس النوم
هذا المتوقع من الفايز وأعوانه سرقة وعدم اتاحة الفرصة للشباب للوظائف الحكومية والأجانب أخذوا حقوقهم وزيادة والسعودي محسود ولا ياخذ أي حق من حقوقه ماأقول الا حسبي الله ونعم الوكيل الله ينتقملنا من الظالم ..........................امين
هذا المفروض مغيرينه مع التغيير الوزاري اللي صار معقول له 30 سنه وزير خدمه مدنيه يعني ما في هاالبلد الا هاالولد خلاص غيروه هو على القصيبي على الفارسي اللي مرجعينا للوراء شوفوا كم الوظايف اللي مسكر عليها ورافض يرفع طلب تعديل رواتب القطاع العام نعنبوك تبي تعطي الناس من جيبك
لا تنكدون عليه باقي عمره له بالخدمه المدنيه 40 سنه توكم تفطنون خلوه جا وقت التقاعد
او تبي تقولون ثبتت ادانته ويجب احالته على التقاعد وهو بالاساس باقي له كم شهر ويتقاعد
ياناس خلووووووووووووه
حرام عليك الناس تأكل بعضها وانت خاش الوظايف في درجك حسبنا الله ونعم الوكيل فيك
انا عندي سؤال للوزير
هل احد ابناءك يبحث عن وظيفه ياسعاده الوزير
هل احد ابناءك يقف بين 10000 متقدم على وظيفه
حسبي الله ونعم الوكيل
خلك يالفايز انشاء الله من ذا الحال واردىا
أيه كذا أحسن
الفايز من يوم مسك وزارة الخدمة المدنيه في لم تتطور ولم تتقدم خطوة واحده
الرواتب زي ماهي
والترقيات زي ماهي
ولا أتوقع أن تتطور الوزاره أبداً في ظل وجود الفائز
افصلو الوزير عشان يعرف معاناه الشباب العاطلين عن العمل(؟)
اسال الله العظيم ان يجعل ****************وزير الخدمه المدنيه فانا لي لي 10 مؤهل لم احصل على وظيفه بسبب عنجهيته
لمين حاجزين الوظايف هذة لاخل الواسطة ولا لقرايبكم
تصدقون أول مرة أشوف وجهه ، لي سنوات عدة وأنا أعرف إن وزير الخدمة المدنية اسمه الفايز ، بس بصراحة هذا الرجل ليس له أي خطوات إصلاحية على الإطلاق، فدوره مهمش بكل ما تعنيه الكلمة أنا بس أخاف إذا جاء الاستجواب يطلع في النهاية أبكم
وأخيرا : أنا عندي سؤال قاهرني من يوم كنت أدرس بجامعة الإمام ، ليش الموظفين المعنيين بصندوق الطالب كلهم أجانب ، وكل شغلهم على ورق وعمل إداري بسيط
يستطيع أن يقوم به حملة الشهادة الإبتدائية بصراحة شي يقهر رررررررررر
ياخال ابوي حك ظهري،اجل مجلس الشوربه المحلبية،هم اللي بيحققون معه،يامه خفت،والله ثم والله مايقدرون ياخذون حقنا من فرخ دجاجة(بصبوص).
الله يرحم والديكم احترموا عقولنا شوي،ولو انا من الاخوة منسوبي عاجل كان وفرت مساحة الخبر لشي مفيد،بدلا من الاخبار المستهلكة و المضحكة،الاجانب يقرونها ويضحكون علينا،بدري والله العظيم بدري قوة علينا اننا نقوم بتحقيقات و محاسبة المذنب.يمكن الجيل العاشر و السبعين بعد الترليون يعيش الحلم هذا.بس حنا قوة لا..
.
.
في مثل هالمواضيع ما فيه مثل اللهجة العاميه البحت:
والله من الغبنه قسم بالله يالفايز ذا لو اعرف مكان بيته وش اقول بس
ياناس فيه خصال الحسد بأنواعها مجتمعه فيه كنه يعطي الناس من جيبه قسم بالله انه مكانه غلط والمفروض يكرش ويصير مراقب بلديه اليوم قبل بكره حسووووووووود كن الوظايف حقات ابوووه رووح الله لا يوفق يا شيخ
يقطر وظايف على الناس المشكله انه ابعد ما يكون عن الواقع والنظام ابو الشباب ماسكه معه ما ادري وش عند ام اممممه
كل الوزارات تطلب وظايف ويردها المشكله إن عنده صلاحيات بس الحسد ما يخليه مسوي امين على الدوله والله يالأمانه هنا وانت هناااااااك
ياخوي خف الله الشباب ماغير يتسدحون بالبيوت معهم شهادات جامعيه واضافه على ذلك دراسات عليا ودبلومات اضافيه وشهادات حاسوب وانقلش وخبراات وجالسين بالبيوت والله حرام
وانت امفحج في هالمكتب وتقطر على الناس روووح يا شيخ عساك ما تشوف خير
والله لو ما جرائت بعض الوزراء في القطاعات الثانيه ويوظف ناس على البند ويرفع للخدمه كان اعلوم والله ما تلاقي موظف حكومي
.
وهي جت على هالوزير وبس؟؟؟
يا أخي اين حقوق المعلمين؟؟؟
الغريبه ن
فيه تخصص بكليه زراعيه قلبووووووه لصالح الصحه عشان يكووون فيه موضفين متخصصين للأفسام اللي مالقوا لها ناس متخصصين ولهم أكثر من 4 سسسسسسنوات جاللسين ينتظرون طويل العمر الديوان يفتح ولا فتح والمشششكله انك لو تروح الديوان مايلقون لك بال
والغريب بعد انهم وضفوا ناسسسس وعينوهم ع طول بعد تخرجهم ما ادري بأي حق وفيه ناسس احق منهم بهذي الوظايف
عموما يجيب الله مطططططططططططططططر
ادعوااااااااااااااااااااااااااااااا لنا وادعوااااااااااااااااااااااااااااااا لأهل العيص الله يكون بعونهم
اما يستجوبونه فهذي قوية شووووووووووي ومن مين من مجلس الشورى
قال ايه قال مجلس شوري ............ ايه هين
وبصراحه لو تم ( استجواب معاليه ) على سبيل المثال فياليت يسألونه عن الكادر الهندسي ليه معاليه موقفه وكمان يسألونه ويقولون لمعاليه السؤال التالي :
هل تعتقد يا معالي الوزير ان المملكة ليست في حاجة الى مهندسين سعوديين وعلشان كذا معاليك مجمد الكادر الهندسي ومجمد الوظائف الهندسية؟
يا عالم قسم بالله العظيم ان جميع الوزارات مليانة مهندسين اجانب وجميع الادارات وفروعها مليانه مهندسين اجانب
وانا صار لي الحين سنه من يوم تخرجت ومعاي تقريبا 8 شباب تخرجوا معاي الى الحين ما توظفوا
اتمنى نلقى اجابة من معالي الوزيرررر
ملاحظه انا كنت يوميا اراجع الديوان اسأل عن الوظايف ولا عمري شفت صورة الوزير واليوم اول مره اشوفه صراحه شكله يعمل في صمت بعيدا عن اعين الشعب
تحياتي
الله يرحم الملك فهد
الله لا يبيحة مادرمر البلد إلا هو واشكالة .
الحل هو بتعيين وزير ذاق مرارة البطالة ليعرف طعمها و يسعى الى حلها
أجل( استجواب) مجلس الامه على غفله انتبه لا يسحبون الثقه ,,,,
بعدين ياأخ وليد يالى تقول عشر سنوات ماترقيت انا في وزارة الزراعة لي واحد
وعشرين سنه ما ترقيت وكل تقاريري امتياز و الحجه ما فيه شواغر ...وفيه غيري
اسواء مني..وأسأل شؤون الموظفين
عقابل ما يطير من كرسيه ومعاه غازي القصيبي
اللي ما يشوف الا الفقراء بس
طحياتي واشواكي
دعواتي واشواقي وباقات الورد لبلادي
استجواب ؟!
هذا الوزير يجب محاكمته قضائياً
او انه يعتق كرسي الوزارة فوراً
هناك خلل في هذه الوزاره من المفترض ان كل الوظائف تحت تصرفها من تعيين وترقيات ومفاضلات وغيره حتى تنظبط الامور
مثلا : الجامعات (مؤسسات التعليم ) تعلن عن المسابقات وتوظف وترقي من تشاء وتحرم من تشاء. تصوروا (امين لجنة المسابقات) في احدى الجامعات يحجز وظيفته حتى ينتهي من الدوره رغم انه متبقي على استحقاقه للنرقيه شهران عجبا ........تلاعب وواسطات ولا انسى موظفي اداراة شئون الموظفين بالجامعات امورهم ماشيه لانهم قريبين من (المورد)
لقد حرم من الترقيات من يستحقها وحورت وظائف فنيه الى اداريه من اجل عيون سعادة الوكيل لان الفني صديقه فتم تكليفه بأدارة المكتب وفي النهايه خسرت الكليه فني المختبر واصبح بالواسطه مدير مكتب سعادة الوكيل وتحصل على مايريد وغيره سنوات ينتظر الترقيه تصل ل15 سنه
الحل اعادة الوظائف للوزاره وهي التي ترقي وتعمل المفاضلات والمسابقات حتى نقضي على الواسطه وننتهي من هذه الاشكالية المزمنه
من باب حرية الرأي انشروا
ولا تنسوا انني كتبت ردا عن من كتب عن بريده في خبر تعيين رئيس بلدية عنيزه ولم تنشروه اتمنى المصداقيه والعدل بين المشاركين
تصدقون حنا في المستشفيات نعاني الويل من نقص الموظفين
نشتغل في مدن كبيررررره ومراكز مناطق وفي اهم المستشفيات الحكوميه
ومع هذا نقص رهيب الواحد يطلع من العمل مرهق مكدود كد الويل
ياناس الى متى هالوضع المزري الشباب يتبطحون في بيوتهم والعالم عندهم نقص
تصدقون شؤون موظفين وأمناء صندوق ومحاسبين اجانب
تجي باللهي ؟؟؟؟؟ مافي سعودي يقدر يسوي هالشغله
ينقصنا التوظيف التأهيل التدريب الابتعاث على راس العمل
الى متى التخلف هذا
على فكره الوزير استاذ ؟ وزير وليس دكتور
لاني كذا مره اكتب شكوى في الجرايد بخصوص تعطل وظافنا سنتين
اخصائي جالس سنتين في البيت والله عمر راح على الفاضي
على بالي مكتفين وبالاخير ننكرف كرف الحمير وانتم بكرامه الواحد يشتغل بيدينه ورجوله يالله يلحق
حسبي الله ونعم الوكيل ....
اصلا وجهه شؤؤم .........كريييه بس ما اقول الله لايبارك فيه ولا في عياله
الانسان اذا ماراعى الله في المكان اللي هو فيه يستحق اللعن والطرد من رحمه الله
اعوذ بالله مو كفايه وجهك شييييييين
حسن اخلاقك وراعي الله في المكان اللي انت فيه
ياحليله راااااااااز عمره بالكرسي ياجعلك ماتصبح عليه
مين المومياء هذا اللي في الصوره
سيماهم في وجيههم
هذا الكور ما يخاف الله
ماكل في بطنه لحم ني
الله لا يوفقهوهو مفسج في الارض
خخخخخخخخخ
يوم شاب ودوه التحقيق
احترموا شيبته الله لا يهينكم
خخخخخخخخخخ
والله لو عد أسوأ ثلاثة وزراء مروا على المملكة لما خرج منهم هالشيبة
أجل تحقيق!!!!!!!
أصلا ها لشيبة تايه من زمان ولا بيدري عنكم خخخخخخخخخخ
تساؤلات عدة من أعضاء مجلس الشورى حول عدم شغل أكثر من 147 ألف وظيفة شاغرة في الجهات الحكومية، ونحو 69 ألف وظيفة يشغلها أجانب،
و (البطالة )يريد ون الإجابة على سؤال واحد(فقط ) أليس هذا من قطع الأرزاق وحرمان المواطن حقه المشروع من العيش في وطنه والكسب من كد يده و قد وضعة له (الدولة)تلك الوظائف؛ فحجبة عنهم ؛فهل يرضى أحد من الوزراء أن تحجب عن أبنائهم تلك الوظائف(العامة)؟؟
الخوف من الله أولا وأخيرا قبل أن نجيب على الأسئلة (بطريقة دبلوماسية) والله لايضيع أجر المحسنيين.
ألم يأني له أن يتنحى عن هذه الوزارة التي تسمى بإسمه في الوقت الراهن حيث الجميع اتفق على أنها وزارة الفايز ... غريب جداً هذا العجوز .. لا زال مصر على بقاءه بهذه الوزارة العجوز .. أنظمة ميته بل متعفنه تخبطات بالتعيينات ونهب لآلاف الوظائف الوهمية .. يا خادم الحرمين بوص شوف الفايز بيعمل إيه ؟؟؟؟؟؟ وأنا متأكد بأن ورى هذا العجوز ذلك المسؤول صاحب النفوذ الكبير الذي يدير الفايز بالريموت كنترول الأمر الذي جعل الفايز ريبوتاً يوجه من بعد ولو رفض تحطم ....... حسبنا الله وكفى سمع الله لمن دعى
عقبال محاكمة يارب
يشفون غليلنا فيه
من عرفت الدنيا وهو وزير
كل تغير او مات الا هو
سنين ننتظر قرار الترسيم وهو واقف حجرة عثر
يا مجلس الشورى اعصروا وزير الخدمه ولا. تأخذكم به رافه 147 ألف وظيفه تؤخذ رواتبها بالخفاء الى يعلم معالي الوزير ولم يأخذ بها خبر نعم لديه علم والساكت عن الحق شيطان اخرس
ياناس وربي اللي يشتغلون بالخدمه المدنيه كلها حسد بحسد وانا صارت لي قصه قبل 3 سنوات مع مدير الخدمه المدنيه ببريده وربي شيء غريب وعجيب وبفهم ليش الحسد !!
هو موظف حكومي وجالس بكرسي ومو حاس بالناس اللي برى وربي ياناس شباب نفس تخصصي ورفضوهم ببريده وراحوا للرياض وقبلتهم الخدمه المدنيه بالرياض فأنا دخلت على مدير الخدمه المدنيه ببريده بنفسي وقلت له ان الرياض قبلوا الشباب اللي نفس تخصصي فقال لي بالحرف الواحد جب لي كعب ورقه القبول وأنا اقبلك ببريده فقلت له كلمت رجال قال كلمه رجال !!
وكلمت واحد من الشباب وصورت الورقه وجيته من بكرى تعرفوا ايش سووى لما شاف الورقه ؟؟
اتصل على الخدمه المدنيه بالرياض وقال لهم ليش تقبلوهم وقام وكنسل طلبات الشباب بالرياض وطردني من المكتب !!
ياناس هذا رجل ويستحي ليش الحسد !!
أنا الحمدلله توظفت وظيفه حكوميه بس الله لايوفقه يقطع ارزاق الناس
الله المستعان
هذا الوزير ووزارته ............... رمز
للتخلف
تقولون لي ليش
1-لاهو ولا وزارته عرفين بالوظائف الشاغره من المشغوررغم انها محصوره
على على السستم عندهم لكن رغم ماوصلت اليه لتقنيه ماهم عارفين يكون
لديهم علم بين الشاغر والمشغور ولكن يعتمدون على رفع مدير شئون الموظفين
بالجهه اكيد ياشاطر بيتركها عشان يرقي موظفها عليها في ضل اشتراط الترقيه
وجود شاغر (انا اتوظفت على المرتبها لسادسه عن طريق المسابقه بعد سنه اتصلو
على قالوا تعال نازلك وظيفه)
2- مافيه بدل سكن رغم انه نظام عالمي
3- انظمه الخدمه المدنيه مظروب فيها بالحائط من قبل الدوائر كثير من الدوائر هي
التي توم بالترشيح
يعني وزاره سار مالها لزمه
فساد ادارى واضح للعيان اذا كان رأس الهرم فيه فساد ووظائف فى الادراج فمن باب اولى ان نرى وظائف فى مديرية المياه مجمده منذ سنوات ولااحد يحرك ساكن ونقول يوجد عندنا بطاله والسبب هؤلاء المسؤلين الذين عدو مرحلة الشيخوخه وعدو الهذرات
مايكفي استجواب وزير الخدمة المدنية محمد بن علي الفايز،
يجب استجواب كلامن وزير المالية
وزير هيئة سوق المال
وزيرمكتب العمل لاصدارة 25 الف فئزة لشركة وحدة وماخفئ اعظم
147 بس
وين وظائف تحت الطاوله
وين المبرات على حساب الشعب
بس 147
هذا الي خلا المدارس تسرق وكثرت السرقات بسبب اخفاء الوظائف
وتعطيلها لاكن لاحياة لمن تنادي
الى متى سيستمر هذا الووزير
اللهم طوووووووولك ياروووووح
وياروووووووح ومابعدك رووووووووووح
وياليل مااطوولك وكل شششششششي
حسبي الله ونعم الووكييل على هالوزير الخايس
انا وزوجي متخرجيين وجالسين .والسبب هالوزير الخايس ..
الله لايوفقك لابدنيا ولا بالاخررة ..اكييد جالس على كرسي دوار ..وعياله اكييد موظفين
بمناصب...حسبي الله عليك..الي يده بلماء مو مثل الي يده بناار
يواجه وزير الخدمة المدنية محمد بن علي الفايز، يوم الأحد الرابع عشر من الشهر المقبل، تساؤلات عدة من أعضاء مجلس الشورى حول عدم شغل أكثر من 147 ألف وظيفة شاغرة في الجهات الحكومية، ونحو 69 ألف وظيفة يشغلها أجانب، خصوصاً في سلم الوظائف الصحية والتعليمية.
هذه الطريقة التي فعلها الخائن الفائز بالسرقة بالدنيا الخاسر بإذن الله يوم القيامة هذه طريقة إجرامية تعد من الإفساد في الأرض وأكل أموال المسلمين بالباطل لذلك ينبغي على من سيحاكمه اتخاذ مايلي
1- استرجاع جميع الأموال التي سرقها لأن الدولة صرفت له استحقاق رواتب مواطنين ووظف أجانب بربع الراتب وأكل الباقي هو وأذانبه الرويبضيون
2- الحكم عليه بالسجن حتى الموت مع الجلد كل جمعه 100جلدة جرّاء جريمته
3- التشهير به حتى يكن عبرة لكل مفسد
4- عدم الرأفة به تطبق عليه القاعدة الشرعيه (الجزاء من جنس العمل وكما تدين تدان مثل ما نزعت من قلبه الرحمة وتسبب في فقر كثير من العولئل كذلك ينبغي أن لايرحم )
وأخيرا أقول الأمر الذي جعل أمثال هؤلاء يتجرؤون على اللعب بالوظائف وسلم الرواتب هو عدم المحاسبه الجادة الصارمة وكما قيل من أمن العقوبة أساء الأدب