حذاء سرعته 15 كيلومتراً، أحدث وسائل النقل!!

نجح بريطاني في التغلب على مشكلة المواصلات وزحمة المرور بابتكاره حذاءً إلكترونياً جديداً يمكنه توصيل الأشخاص إلى الجهات التي يريدونها باستخدام جهاز التحكم عن بعد (ريموت كنترول).
وتصل سرعة الحذاء إلى 15 كيلومتراً في الساعة ومجهز بمحركات تستمد طاقتها من البطارية ويمكن للشخص تغيير اتجاه سيره بواسطة تمايل جسمه لليمين أو اليسار، طبقاً لما ورد بوكالة 'أنباء الشرق الأوسط'.
وقال تريدواى في تصريح على شبكة الإنترنت 'إن الحذاء يمكنه السير لمسافة 5ر4 كيلو متر دون الحاجة إلى تعبئة البطارية وأنه فعال في توصيل الأشخاص الذين يرتدونه إلى منازلهم أو مقار عملهم أو أي جهة يختارونها بأمان وسلامة.
حمارك يغنيك عن جمل جارك الله يخليلي رجولي
حلووووووووووووووووو
يصلح للسعوديات اللى ممنوعات من السواقة ياللا بنات وداعا للعناء والشقا
بس لا يكون السعر غالي والله بستغلون السعر خاصة على السعوديات محرومات
السواقة هههههههههههههههههه عاد الاجانب يفكرون ان كل سعودية في حسابها
مليون يالله من فضلك
بس لنتبه من ساهر !!!
تراه ناويك ناويك
الحذاء موجود لدي وانا شاري كمية منه قبل اسبوعين الي يبي منه يراسلني
سعره 60 ألف ومايجي منه إلا فئة وحده (( إل تي زد)) فل كامل دينالي
وعلى فكره يا أخوان يوجد فيه دبل وهذا أهم شي
عشان ايام الأمطار يمديك تفقع من الدوام وتطلع للثمامه تطعس وتفل أمها
هههههههههههه هاذي تصلحلي لاني انا اتعرض من الزحمة المتخلفين الجهلة
ياليت تنزل بسعودية باسرع وقت عشان نرتاح من التخلف
بيم بيم هههههههههههههههههههههه شي عجيب ابي الحذاء ذا ههههههههههههههه
اذا يرقى النفود ويطعس فيه
قل لهم يرسلون واحد لبريده
يلاه يابنات لاتدوخن روسنا تقولن نبي نسوق
جاب لتسن الله ها الاحذاء وناسه كني اشوفتسن انتن وعبيتسن تمر الوحده مسرعه تقل سوبر مان ههههههه
بس لاتنسن تحطن الكعب بالشنطه لابغيتن تدخلن السوق
يعني معقوله ياجدتي العزيزه راح يجي يوم وتصقطي علي والله ان اتبطي
فكره جيده تصلح للناس المنجزين اللي مايأخرهم عن عملهم الا المواصلات
والزحمه ف الطرق
ياليت تحجزون لنا كم وحده للمسؤلين عندنا لاننا يمكن ظالمنيهم حرام يتأخرون بسبب المواصلات واذا وصلوا قد هم طفشانين وتتعكر مزاجاتم ويأجلو كل شئ لليوم اللي بعده عشان كذا كل يوم يطلع لنا مسؤول ويقول بكرا سوووووف
واذا جاء بكرا ماشفنا شي
الله يطول بعمرك يابونا يابو متعب ماقصرت مع الشعب الله ياخد بيدك ويساعدك في القضاء ع الفساد والناس اللي ماقدرت حمل الامانه
زين يمكن يوديك لخباز التميز ويرجعك بدون شحن
والله ابتكار جيد
لكن هل نقدر نشتريه .؟
هل لهذا المنتج موقع على النت .؟
دبرووووووونا يا عاجل
متى البسهن وامسك خط الملك فهد رايح جاي كعابي عليهن
واو والله فله........
بصراحه ابتكار
الحين يركبون ساهر ضد الجزم اكرمكم الله هههههههههههههه لا وكل جزمه عليها لوحه ههههههههههه وعلى جوالك مخالفه جزمه من نوع ايطالي ماشيه 16كيلو متر في الساعه
ابغى منها في الديره وين القاهاههههههههههههههههههههههه
حنا يالله السياره تسلم من الحفريات عزالله محد شراها
يااالبيه لو هذا الحذا عندي يصلح لي لما يروح الباص عني وادقها كعابيه ههههههههههههههه فديت قلبي
يالبيه يصلح لي هذا الحذا خصوصا لما يروح عني الباص وادقها كعابيه ههههههههه فديت قلبي بس
وهذي مشكلة سواقة البنات انحلت
بس عاد صلحوا لهم طريق عدل خاص
بالحذئين هههههههههههههه
تصدقون ياشباب امس كانت الفكرة ببالي .. كيف لقطها مدري مع اني ماقلت لاحد ..
اااه بس ..
لعلكم تذكرون قبل اكثر من عشر سنوات ذلك المسلسل الانجليزي لذلك الشاب الخارق
الذي كان ينطلق بسرعة البرق لم نكن نعلم في تلك الفترة اظهار الانجليزي لتلك
المسلسلات الا بعد فترة متاخرة عندما علمنا انها تحثهم على الابداع والابتكار
والبحث العلمي وحث الشباب على الاختراع.
لانعلم ماوضعنا على الخارطة البشرية سواء شعوب مستهلكة لاتقدم للانسانية اي
انجاز عالة على الامم الاخرى اسال الله ان يصلح احوالنا
يمقن له اضرار على صحة الشخص ويمقن لا
http://www.youtube.com/watch?v=dKZ8CkWin-o
مايصلح لنا تدرون ليش ؟!
أولاً : مايوصلنا للدوام ! مو تقولون 4.5 كيلو ؟! خخخخخ
ثانياً : شوارعنا يا حبة عيني تحسبونه مثل شوارعكم يالله من فضلك الجنة ! حنا الله يرحم حالنا مطبات (طبيعية) وحفر وجفر وفتحات خزان كل يوم طايح به رجال وميت ! يعني اختراعكم للأسف مايصلح لنا !
هههههههههههههههههههههه فررري نااااااايس
السلام عليكم عزالله محد بياخذه في ذا الشوارع تطلع من حفرة تطب في حفرة اكبر منها المساعدات راحت فيها ياحض المهندسين
اقول درجها بس ان وحذائك
واضح الفيتيشوب ياحبيبي
شايفين اختراعنا في بريطانيا هذا ولد عمي
تعليقاتكم غريبه جدا جدا
مافيه احد تذكر ان شوارعنا كلها حفر والله تجاوب على خشتك
هالاختراع يبي شوراع ماسكينها شركات عملاقه عندها امانه
من جدكم انتم
ترا ما يضبط معكم له اوزان معينه
وانتم احجامكم عائليه ههههههههههههههههههههههههههههههههههههههههههههههههههههههههههههه
والله بتكثر الحوادث كلن بيطير فيها وطبعا مافي اشارات والله نلاقهم متسدحين بالمستشفيات مأدري مأعجبن الاختراع طيب لو حصل عطل للبطاريه وقفني بمكان ماحولي سيارات مشكله
رحم الله شباب العرب هذا الفالحين فيه بس تعليقات وضحك على الناس طيب انت بتعلق وتضحك وتستهزا بالاخرين طيب ماسألت نفسك وين انت من ذلك الذي على الاقل حاول واقترع شي اين انت منه ماذا اخترعت لاشي بالله عليك اذا كنت انسان مستهلك لاغير فلا تقلل من شأن الاخرين
هل في الحذاء دبل عشان البر
الناس جالسه تخترع وحنا نعلق ونتمسخر
يا أمة عجبت من جهلها الأمم