شاعر يتغنى بأرض القصيم

الوطن أغلى ما يملك الأنسان فقد تغنى الشعراء بأرض الوطن والوطن واحد لكن لمنطقة القصيم أهمية فالشاعر المعلم بندر الميموني يتغنى بأرض القصيم
خيم علي الظلام وليل ممسيني
وعيني على ديرتي تنثر عباريها
دار القصيم الي على الخير والديني
أحبها ياخالد ماني بناسيها
أحبها وحبها جوا الشراييني
ومن لا يحب ديرته يصبح يعاديها
من روحتي لسفر ما غمضت عيني
أعد نجوم الليل وقعد أحاتيها
أهيم في بحر الظلام محدٍ يواسيني
وشوف صورة ديرتي وقعد أناديها
طوتني مر الليال والهم طاويني
طي الرشاء من بعد ساقوا سوانيها
أصبر على غربتي وصفق أيديني
لعلها تنفرج عني بلاويها
قفيت ونا خاطري شين ٍ على شيني
بسباب دار ٍ كثيرتٍ دعاويها
أشوف بيوت الشعر ولا أسمع رنيني
رنين نجراً توال الليل عاويها
وين الي كانوا يلحقون المخليني
وين الرجال الي تعرف في غزاويها
ماتوا ومات ذكرهم وسط الدواويني
وتعيش أجيال ٍ على العلياء مباديها
تمت وصلوا على محمد ملاييني
اليا حشرت العالم أولها وتاليها