( مفاهيم الحياه )

الطيب سيّه والردى فيه نوماس
هاذي مفاهيم الحياة الجديده
آشوف لي رجلٍ وفي .. منحني راس
وآشوف لي لاشٍ حياته سعيده
الناس يا جاهل بهم فيهم اجناس
ناسٍ تزيل الهم .. وناسٍ تزيده
ياللي قد آمرضك الزمن ما ترى باس
وآصبر على ظلمة / وجورة / وكيدة
خلّ الخطاوي مالها طول وقياس
وخلّ الهقاوي يالسنافي بعيده
والطيّب إليا مات تدري به الناس
ولا الردي لا مات ماهو فقيده
وانا من اللي كل ماهب نسناس
تبدا مشاعرهم بصيد الطريدة
ذي فكرةٍ مضمونها شوق واحساس
وتاصل لمن هو شاقني .. في بريدة
وذي فكرةٍ بالنصح تبنى على ساس
وبالنصح يالشاعر .. تزين القصيدة
من يطلب الله خير ماحصّل افلاس
والله هو الوالي .. وحنّا عبيدة
عشنا على كثر المشاكل والاتعاس
وما جاتنا الدنيا على ما نريدة