“صناديد و أسود” قصيدة للشاعرة : العنود الواصلية

فعل الحزم علاج من طال ضيمه
واليوم من فضل الله بروق ورعود
ٰ••••••••
مامات اخو نوره عسى الله يديمه
الحكم يبغى له صناديد وأسود
ٰ••••••••
يبغى رجاالٍ شفّها ب الغنيمه
تروي عطشها وتبري كبود وكبود
ٰ••••••••
جيناك ياعز العصور القديمه !
ماشتقت لجنودٍ على منهج جدود؟
ٰ••••••••
جندٍ يشوفون العمر دون قيمه !
لاصار ماله من ثنا المجد مردود
ٰ••••••••
الموت ماخلا نبات و بهيمه
والعمر دون العز لو راح محمود
••••••••ٰ
رز العلم والدم هتان ديمه
خله يعرف الموت عن ذلنا جود
••••••••ٰ
نياتهم لو جات ماهي سليمه ؟
افعالنا تنهي نواياهم السود
ٰ••••••••
سقنا المنايا للعقول السقيمه
وصدورنا تضد ار اس وسكود
ٰ••••••••
اندفعّ المخطي حياته قسيمه
ونخلي عيونه على دمه شهود
ٰ••••••••
النصر عند اللي رجينا نعيمه
ماننهزم والنصر له يوم موعود !
•••••••••
الشاعرة: العنود الواصلية