قصيدة للشاعرة عبير العتيبي

‏اوفي معك ياللاسف منت وافي
لازلت باير في ضميرك وفيني
***
سلمت قلبي في يديك امتعافي
ورديت قلبي ذابلً في يديني
***
كنت احسبك للحب صاين ووافي
لكن خنت وطحت من وسط عيني
***
مازال قلبي يذكرك وانت جافي
مدري وش الي صار بينك وبيني
***
بين الكلام وبين فعلك خلافي
ياراعي الوجهين غلطة سنيني
***
ماتدري ان قلبي ليا عاف عافي
قلبي ليا منه قسى مايليني
***
انا الوفاء بنت الاصيل السنافي
انا الاصيله منت كفو الحنيني
***
ياكم عزفت العينك احلا القوافي
ياليت قافي فيك باقي سجيني
***
يالعاشق الي كنت قبل احترافي
طحت امتساوي قبل تاصل لزيني
***
وان قالها الله لاخذ فيك اقترافي
دام الفخر من هامته يكتسيني
***
وياللاسف راحت سنيني عجافي
فالخاين الي طاح من وسط عيني
***
الشاعره / عبير العتيبي