لآلئ شعرية

يا كثر ما كنت أسولف لك عن آمالي
وأقول خل الخطايا بينك وبيني
ياما سهرنا نلّون برجك العالي
جنوب ذيك المنازل عينك فعيني
تقول قلبي وانا ادري خافقك خالي
منك القسى يكتب العزلة ويمحيني
حبيت والحب فعله يرفض اقوالي
لو قلت عن سر حبك مت في حيني
يا قصة الامس يا نزفي ويا أطلالي
ما للسعادة طريقٍ لو توديني
أخلصت والوقت مع جرحي وغربالي
كتب على لوحة احزاني عناويني
أجمل سنيني قضيته وأنت في بالي
واليوم ماعاد بالي يذكر سنيني
شفني بقايا ألم مشتاق تبقالي
يا أجمل قصيدة على صفحة دواويني