قصيدة حصرية للشاعر محمد بن مشيط

ياجميل المحيّا يارشيق القوام=انت عادك صغير وفالهوى مبتدي
ياحرامً يحلّ وياحلالً حرام=اطلب الله على بعدك بصبرً مدي
طول ليلك تنام وناظري ماينام=اسهر الليل وافرد بالهموم وحدي
كن بيني ومن بين الخلايق خصام=اعشق الليله الظلما ونجم الجدي
راح ثلثين عمري مابلغت المرام=واترجى وصالك لين كلّ اجهدي
لوتعرض طريقي معضلاتً إجسام=ما أقطع اليأس منك لين اوسّد يدي
لاتفكر بحام ولاتفكر بسام=يقطع الحظ الأقشر والمعاش الردي
صوبتني أرموشً مثل ريش النعام=وآسرتني اخدودً مثل وردً ندي
واذبحتني ثمانً ترفض الأبتسام=ماتبسّم ولو إن البساط احمدي
اشهد علّتي علّت مريض الهيام=يوم مالله رمابي في يدين اجودي
محمد بن مشيط