«جمرتين الغرام»

عبدالله عبيان أو شاعر الملك كما يطلق عليه شاعر جمع بين قوة الإبداع وجزالته وبراعة الإلقاء وهو صاحب تجربة ثرة جديرة بالحفاوة والتقدير،إقرأوه من خلال قصيدته ( جمرتين الغرام ) لتستمتعوا بالشعر وعذوبته حيث يقول:
هزّي الغصن لانامت طيور الحمام=الشتاء طال وأنا مانسيت وعدي
بارد الليل حرّك جمرتين الغرام=لين ذاب الجليد وسال معْه شهدي
ذعذع الشوق والدنيا بعيني الظلام=والوتر جا يناديني وجيت آعدي
في خيالي كلام وفي لساني كلام=يشعل الليل ويسامر بريق الجدي
ليه أقول السهر ياشوق لجلك حرام؟=!ليه وانتي هواي وعزوتي وبلدي
نامت العين ولاجعلها ماتنام=دامها عامره بك والقلم في يدي
والله اني لاصحّي الورد تحت اللثام=لين يزهر لك بساط الورق لحمدي
خلّي احلى البنات تقول لك ياسلام=ماكتب هالكلام شويعرٍ مبتدي
ايه قولي لها انه شاعرٍ مستهام=يكتب الحرف والجرح بخفوقه ندي
يعشق الريح لاجاته تزف الغمام=وان تمايل له النرجس يقول إبعدي
لجل عيني كتب وآنا لبسته وسام=وانحنيت احترام وقلت له سيدي