"صحوة خليجية" قصيدة للشاعر مضواح بن شتوي

غن بالنجم السعودي يافخرنا=خل صوتك يافهد يدوي حنينه
ترجم احساس الوطن وأعلن خبرنا=جارنا والله مايشكي الغبينه
جارنا لما نخانا ما اعتذرتا =دمنّا لاجله ودونه مرخصينه
تحت امر سلمان في الجبهه حضرنا=المليك اللي خدم شعبه ودينه
حن نلبي كل مانادا وأمرنا =حن سيوف مرهفات في يمينه
اتحدنا في الخليج وفي ظفرنا=والعرب وافين ودروعٍ حصينه
صحوة فيها الفخر حتى عبرنا=فوق هام السحب تغشانا السكينه
ننصرالمظلوم ونطّهر ديرّنا=ومن يخالف سنة الهادي نهينه
اشهد انحن في وفاء الجار اشتهرنا=فعلنا كل الخلائق عارفينه
هيه يالحوثي عليكم كم صبرنا=والعدو اللي يدفك خابرينه
الله اللي في مجابهكم نصرنا=مارجينا الا عظيم مرتجينه
استعنا به عليكم وانتشرنا=بر ولا جو ولا من سفينه
عاصفة حزم صداها ينتظرنا=المدرج من خطرها الله يعينه
ياصقور الجو ياقرة نظرنا=حققوا الأهداف من كأم الكبينه
وارسموا الأهداف في دقة بصرنا =أدبوا الحوثي عساء تبت يدينه
والبلاء انهم يهدمون اللي عمرنا=واليمن يبقا وحنا عامرينه
من غدر جيراننا كنّه غدرنا=والله انه ماتذوق النوم عينه
ومن دمر مجد اليمن كنّه دمرنا=وحن ذراء مكه وحراس المدينه
جارنا حتى لو انه ماشكرنا=الشكر للي نصر عبده ودينه
وان نخانا يعلم الله ما اعتذرتا =حن ذراه أمن الظليمه والغبينه
مضواح بن شتوي