سلمان يا راس الصخى والمواجيب

هذه القصيدة موجهة إلى صاحب السمو الملكي الأمير سلمان بن عبدالعزيز آل سعود أمير منطقة الرياض
يا أمير يافكاك عسر المناشيب
اللي على الجزالات دامت يمينه
سلمان يا راس الصخى والمواجيب
امير نجد وكلنا خابرينه
صقرٍ مكانه عاليات المراقيب
ياللي من أركان البلاد الحصينه
فتحت بابك للطلب والمطاليب
بالعدل من جالك بفعلك تعينه
انت الأمير ابن الملك صاحب الطيب
ياللي لكم بالعاليات السِّمينه
لا والذي يعلم بنا السّر والغيب
انك غَلاَ بين العروق الدفينه
يا عزَّنا عند احتدام المشاهيب
حكامنا اهل العقول الرزينه
لا منَّها صارت إدلين مجاذيب
أنتم سندنا عند روض الغبينه
ياللي تشبه بالسيوف المحاديب
يا امير طيبك والوفي عارفينه
بالخير لك ناس ورجالٍ مناديب
الجو يشهد والبحر والسفينه
من يحتزم بك ساعة العسر ما يخيب
يا من سبب جوده اصابع ايدينه
نحبكم ما فيه شكٍ ولا ريب
وشلون وانتم درعنا والسكينه
اسوقلك بالقاف كل التراحيب
يابن الذي عز الوطن عز دينه
يا ابن الذي من فوق هجنٍ مناجيب
حرَّر بلادٍ في جهلها دفينه
يوم القبايل في بعضها قصاصيب
ضاعت بها سنة محمد ودينه
مثل الحيا جاها سوات السحاحيب
في فعله أحياها وقوة يقينه