ماجور من كيد الأعداء

ياميرنا ماجور من كيد الأعدى
أهل القلوب الميته والسقيمه
ياميرنا لا صرت سالم ومهدى
ذي سلوة صدور الرجال الفهيمه
واللي سعوا في الأرض من غير مبدى
أفكار منحله ونظره عقيمه
عيونهم من سوء الأفعال رمدى
سيماهم بسود الوجيه اللئيمة
يا أهل الكفوف اللي من الغدر تندى
منهاجكم من غير نخوة وشيمه
وصدوركم من نفح الإيمان جردى
على الظلايم والظلايم وخيمه
وأردى من الغدّار وأخس وأردى
من هو تبنى الغدر وأهل الظليمه
ما يعذر الفجار في كل الأصدى
إلا بقطع الرأس وأوصال اديمه
ما كل معدن لا أنطوى الوقت يصدى
وحتى الجبل ما يستميله نسيمه
حنّا السعوديين في الحرب نفدى
ثرى السعودية والأجساد قيمه
ولطاعة القايد وما قال وأسدى
نمشي على أمره والعواقب سليمه