"بن عمك" للشاعر سعيد عوض آل مجمل السنحاني

ابن عمك لا انتخى فيك يبغاك العضيد
واجب انك تعصب الرأس و توقف معه
لا زهمك و قلت لبيه ويش اللي تريد
شاش راسه و افتخر فيك يومك تنفعه
واحد لا مات يبقى على ربعه فقيد
و الرفيق اللي ردي عسى الله يقلعه
وقفتك لو ما معك شي في عينه رصيد
من طناخة رأسه يجيك هذا منبعه
يا جعل روس المقاريد تنقص ما تزيد
جعلهم في وسط نار عليهم مولعه
افتخر في كل مطلق لو ان رأسه عنيد
دون ابن عمه يوقف و دمه يدفعه
من يوقف في الصعيبات تلقاه الفريد
بين ربعه يكسب الطيب و الله يرفعه
ما يبان الرجل يا كود في الوقت الشديد
وقفتن يفخر بها القرم و لها زوبعه
ما يحل المعضله غير رجال سديد
لا هرج كل من الناس يبغى يسمعه
يقدح من الراس و تشوفه أقسى من الحديد
مثل حد السيف و الشر هرجه يقطعه
و فيه رجل ما يهمه و له حس بليد
كيف صبر الارض يمشي بها ما تبلعه
الردي لو تزهمه كنه مربوط بقيد
ينكشف في ساعه الضيق لبس الاقنعه
ابن قاسم ال مجمل