"يا وجودي" الشاعر محمد عبدالله الظلافيع

ياوجودي وجد عودً كفيفً مايشوف
صبحوه القوم وحاسوه وجاله مجهله
ونهبو ذوده وساقوه والعود محذوف
واذبحو زوجته وعياله وجاه ازمله
ياهجوسي ماتوجدت غير من الصدوف
اجبرتني انظم احروفها المتسلسله
الرجا ل الله ولو كان مانرجي الضعوف
وفي النهايه كل واحد محاسب بعمله
الرفيع اقّدْره ومنزله فوق الطفوف
مستحيل إني مع الوقت اوطّي منزله
حتى لو يخطي علي مااجحده بأي معروف
قد فعله بحزتن ماحدن لي افعله
والله إن اكسر لشفه من الخاطر شفوف
والكفو اكثر من اللي كذا يستاهله
قلة(ن) في ذا الزمن سالمين من الضروف
واغلب العالم من ضروفها متحثله
( محمد عبدالله الظلافيع )