محاوره

سفر الدغيلبي
سلام والتاخير وأحكام الظروف
ماهيب مقصودة ولا متعمدة
من عصر وأنا في المطار أسعى وأطوف
والله ماكني مواطن في بلده
صقر سليم
يامرحبابك وأنت ضيف من الضيوف
لو كان جاله ظرف ماهو في يده
أمّا الخطوط نظامها شي معروف
لكن عادي وأشكر الله وأحمده
سفر الدغيلبي
يا صقر صرت وحيد من بين الصفوف
من تحت مزنٍ يفجع القلب رعده
أمّا تحمل قوّ مضراب السيوف
والا منامٍ فوق حيد المسندة
صقر سليم
لا والله الا ما عليه منك خوف
واللي زرعته في زمانك تحصده
هذا سفر محتاج له وزنة بلوف
حتى يعد الخط قدمه وبعده
سفر الدغيلبي
ما أنت أول اللي مات من كثر الحسوف
قبلك فلان نحدره ونسنده
سفر من سباعِ تحوف القوم حوف
ولا البقيلي راقدٍ في مرقده
صقر سليم
ما تلحق الشكات ياكود الضعوف
وأنت تجيب علوم غير موكدة
المشكلة قلبك كبر راس الخروف
واللي يبا ذبحتك يبشر بسعده
سفر الدغيلبي
وصاك أبوك وصيةٍ بأربع حروف
والعود طيب والمصيبة في ولده
سليم ربعك صفقولك بالكفوف
خذ وحده مني وباقي وحده
صقر سليم
وأنت ولد عودٍ يبى منك مخلوف
لكن عاقبته وضيعت جهده
ربعك عتيبه طبلولك بالدفوف
لو انها بالانقراض مهددة
سفر الدغيلبي
حاولت أوصف صقر معدوم الوصوف
بقيليٍ مقرود والله يقرده
عتيبه أخذوها جبر وانته تشوف
لا تجحد اللي طوعك لا تجحده
صقر سليم
اما انت في التوصيف ماتبغى كلوف
دغيلبيٍ في المياه الراكدة
تبا تحذف الناس وأمسيت محذوف
ودك تسابق واليدين مقيدة
سفر الدغيلبي
انت تعيفني وأنا نفسي عيوف
ولا البقول أنواعها متعددة
المزيد من الصور :