سر ياقلم هات الدرر من بحرها

جواهر ماطبت العرض بالسوق
الليً جلبها مانشد عن خطرها
له همة تطغى على كل مخلوق
عروسة تهوى الزفاف لمهرها
ساقت له الخطوه بدافع من الشوق
طشت حياها ورفعت عن غورها
وقامت تهلي به على كل طاروق
وفلت شعرها واكشفت عن خبرها
وقالت لدي أسرار عاشق ومعشوق
تستاهل اللي بالدجى هو قمرها.
هدية ماسن من دونها السوق
تستاهلك سعدان عابس فخرها
متواضعة واسمك رفع قدرها فوق
جزل الحروف اللي تداعي دهرها
تشكي على الله مالفاها من العوق
عين بكت من خوف تفقد نظرها
مسترسلة ودموعها تجرح الموق
وعين شكت لأهل القضاء من سهرها
وين الكرى وين انت يامن له توق
تبكي الظروف اللي وقفت في نحرها
وترجي من الله يصفي الوقت ويروق
جت لك كفيفه وانت غاية بصرها
جت لك يابن عابس تناجيك برفوق
ياعزوتي هاذي حوفي سطرها
لك... خافق مشبع بالإحساس والذوق
نافع مفرح البشري