"العبره" الشاعر عبدالله بن عتقان

العبرةّ اللي جرحت خد مغليك
لولا غلاتك زايده ماسكبها
شوف العيون اللي حبيبي تراعيك
وشلون عبرتها تبلل هدبها
ماكنت أعرف الدمع قبل التقي فيك
وإن جات مره عابره ما حسبها
واليوم لا بالله من دون تشكيك
جميع عبراتي جنابك سببها
عقلي تولع بك وقلبي يناجيك
وحبك ملك روحي ومني سلبها
وإن كان هذاالوضع لائق ويرضيك
يستاهل اللي لك حياته وهبها
ولاتفتكر مهما حصل يوم نبكيك
من شأن حاجه ودنا نكتسبها
أو إن قصدي خايفٍ من تجافيك
أو ناس غيري بالزمن تصتتحبها
بالعكس لا هذي ولا ذي ولا ذيك
الناس تُعرف من معادن نسبها
محتار من ناسٍ خطيره حواليك
سودٍ ظمايرها سريعٍ غضبها
يحاولونك لين تترك مباديك
من شين نيتها وقلة أدبها
بالكذب والبهتان فالنار ترميك
وإذا رموك بغدر زادو حطبها
إياك من نهج الضعوف الصعاليك
مهما تحاول لاتنفذ طلبها
وإذا كان ماتسمع حبيبٍ يوصيك
النار في لحظات يحرق لهبها
الشاعر عبدالله بن عتقان السلمي
- - - - - - - - - - - - - - - - -
تم إضافة المرفق التالي :
image.jpg