كلام العام

على نور البداية واصلك يا باقي المشوار
خفت بعضه.. سطع بعضه.. ووضح لي مساراتي
بدا حزني يداهمني وباشر: (حملة استعمار)
وكسّر لي مجاديفي وانا ما جمّل سكاتي
وتركني أشكي من البؤس .. لا صامد ولا منهار
اعرف اللي جرا لي بس، ما ادري وش نهاياتي!
صبرت وخابرٍ صبري على الدنيا طويل اشبار
قنعت بمعظم اوضاعي وعدلت اتجاهاتي
على جدار السنين احط وآعلق كذا تذكار
تحييّني وابروزها وابث أسمى تحياتي
صحيح: الوقت يا صعبه، صحي : ان الزمن دوار
ولا باقي سوى ذكرى تطرز لون راياتي
غموض الشخص ما ينقاس بالكتمان والأسرار
وانا أسراري دفينة تكتشفها في كتاباتي
ووسع الارض ما ينقاس بالأمتار والأشبار
وانا بارحب بلاد وضاقت بعيني مساحاتي
انا بصدري كلام العام ما يبرد ودمه حار
يسولفني لليل الصمت ويترجم معاناتي
جروح الوقت لو تبرا بكثر البعد والأسفار
نستني ديرتي واعتادت الأسفار خطواتي
شعر:
طلال الجميلي