شاهد .. "الغامدي" يخص "سبق" بقصيدة البيعة

قال فيها : بيعه على سمعٍ وطاعة لكم يا محمدين .. يا عزنا بعد الولي يا حماتنا في ذا البلد

خص الشاعر ناصر بن يعن الله الغامدي "سبق" بقصيدة عنونها باسم البيعة وهي مبادرة من الشاعر في إعلان البيعة لسمو الأمير محمد بن نايف وليًا للعهد وسمو الأمير محمد بن سلمان وليًا لولي العهد وقام بتسجيلها ووضع شعار "سبق" ضمن صورة العرض بالمقطع .

وجاءت قصيدة الغامدي كالتالي :

يالواحد الخلاّق يالمعبود يالرب المعين
يامعلم آدم لا اله الا انت يالفرد الصمد

يامن بيدك الملك والتقدير والقاسي يلين
يالمعطي المنان سبحانك الواحد الأحد

نرجيك جلّ شأنك الأعظم الحي المتين
راجيك يكرم ومن يطلبك يا ربي وجد

يارب انا عبدك وفي ذمتي بيعه ودين
لولاة أمر المملكة أهل البشاير والسعد

بيعه أصيله مأصّله ورثٍ على مر السنين
في ذمتي وقبلي أبي متورثٍ أباً وجد

ابايع أحفاد السلاطين اللي لهم حنا ندين
عضدين سلمان الحزم محزمه في يوم الوعد

بيعه على سمعٍ وطاعة لكم يا محمدين
ياعزنا بعد الولي ياحماتنا في ذا البلد

محمد بن نايف سليل المجد الرجل الفطين
البيرق الخفّاق والسيف المهنّد والسند

ولد حكيم المملكة نايف عمى المتربصين
جعله بجنة عدن وجعله عالكوثر يرِد

ومحمد بن سلمان حييت يالرجل الرزين
عز الله يامليكنا سلمان خلّفت الولد

عسى جليل الملك يحفظه لك في كل حين
هيبه وطيبه وحزمه سنع ابو فهد

وحنا سعوديين ولاءنا ظاهر يبين
وإذا دعانا سيدي برّاق يبرق مع رعد

يوم اللقاء ندك حصن العدو لو هو حصين
ونزلزل الصم الشوامخ وبينخ الوغد

ياملوكنا حنا السيوف اللي لها شوق وحنين
تشري شهادتها بدمها صماصيم جرد

ياربنا ترأف بنا وان تحفظ الدار المكين
وان تردع أهل الكفر والذل تجعلها همد

يالله وانا عبدك و في ذمتي بيعه ودين
لولاة أمر المملكة أهل البشاير والسعد

واختامها صلوا على الهادي النور المبين
عداد موج البحر وعد ما تمطر برد