"بن سليم" ينظم قصيدة في رثاء الملك عبدالله

مات الحنون اللي على الشعب هتان

ألقى علي بن سعد بن سليم قصيدة ترثي فقيد الأمة خادم الحرمين الشريفين الملك عبدالله بن عبدالعزيز، وتؤكد في الوقت ذاته على سير خادم الحرمين الشريفين الملك سلمان بن عبدالعزيز على نهج الإصلاح والإعمار وحرصه على خدمة هذا الشعب النبيل.

وكانت قصائد الرثاء قد توالت منذ صباح الجمعة الرابع من هذا الشهر، واتسمت الأبيات الشعرية بأنها مخضبة بالحزن العميق على وفاة الملك عبدالله بن عبدالعزيز.

وقال علي بن سعد بن سليم في قصيدته:

الدمع هل وحرق أطراف الأجفان

والخطب فوق القول مهما يقالي

من بعد فقد الشعب نايف وسلطان

مات المليك اللي فعوله جلالي

مات الحنون اللي على الشعب هتان

خيره على شعبه سنين طوالي

مات الزعيم اللي ملا كل ميدان

زيزوم شيال الحمول الثقالي

مات العديم اللي كما طير حوران

الوافي اللي ما يصيد الهزالي

يا الله عسى داره نعيم ورضوان

في جنة الفردوس يلقى مجال

وتعوضنا بالخير في عهد سلمان

وتاخذ بيده للعلى والمعالي

ومن حوله اخوانه سلايل كحيلان

أهل المواقف والعلوم الجزال

وتعز دولتنا وتعلي لها الشأن

والمعتدي يخسى ويلقى الوبال

وحنا معاكم من قديمات الازمان

حب ووفاء واخلاص اول وتالي