الله عن شعبك يجازيك بإحسان

عقبك يا ابو متعب ترى الشعب حزنان
لأنك على شعبك عزيز(ن) وغالي
لو غبت عنا يا ملكنا كحيلان
بالذاكره موجود طول الليالي
الله عن شعبك يجازيك بإحسان
وعن فعلكم بالخير يعجز مقالي
همه بحال الشعب لو كان مرضان
ويقول شعبي كلبوهم عيالي
في جنة الفردوس ياطير حوران
يجزاك بالجنه عزيز الجلالي
خليت دارك درة(ن) بين الاوطان
بصمتك تبقى بالسهل والجبالي
يذكرك جيل العلم في كل الاوطان
ترسل من البعثات شئ(ن) خيالي
ويذكرك عود(ن)عاجز(ن) ماله اعوان
انته كفيله يوم ماله عيالي
ويذكرك مسكين(ن) ضعيف وفقران
لضعوف شعبك صرت مثل الضلالي
يذكرك منهو مجهد الحيل تعبان
انته قريبه يوم ماله موالي
توصي على المقعد وتكفل بِ يتمان
عن حالهم دايم كثير السؤالي
حتى الارامل عندكم شانه(ن) شأن
عنهن تشيل المعضلات الثقالي
ومن السماحه كون حوار الأديان
ماهو ب قطاع(ن) لوصل الحبالي
في ذمة اللي معتلي كل الاكوان=
وداعة المولى عزيز الجلالي
ومن بعده البيعه توالة لسلمان
ومقرن وابن نايف حميد الخصالي
وصلوا على المختار من نسل عدنان
شفيعنا يوم البعث والسؤالي