حِنّا سعوديين

لو إنّي أدري وش حصل يا بوحسام
وش غثبر الماء بعدما ظلى قراح
حِسْ الرّعد يمْ اليمن والبرق شام
وطويق شامخ في وسط (نجد) البراح
بالله تسلم لي على راع الزمام
اللّي علا شأن الأسنه والرماح
دار الفكر وبساع في جنح الظلام
طارت صقور الجو وافتر الجناح
هداج تيما خادم البيت الحرام
سلمان راع الأولّه رمز السماح
سلمان وين تروح وأبوك (الإمام)
لا قال أخو(نوره) يصبحهم صباح
بالعدل سيّسها وبأحكام النظام
حتى تساوت له على أنسام الرياح
حزامنا سلمان حازم بالحزام
يا عزوة (العوجا) الأعادي فانبطاح
تعيش يا سلمان يا ابن الكرام
صقر(الجزيرة) حي لو نسمع نباح
لله درك يا مجد السلام
الكايدة تحسب ولا فيها سماح
والضربة اللّي ما تصل حدْ العِظام
ما هي لنا جَيّه ولا تِحوج مراح
ما ينحني يكود روسك يا النّعام
ثرى وطنا ما يباح ويستباح
حِنّا سعوديين ما فينا انقسام
ولا يفرقنا رديين الصلاح
وصلاة ربي عدْ ما ناح الحمام
على الرسول اللي دعانا للفلاح