الجروح

إلا على طاري الجروح
اش لون جرحك.. يالخوي؟
هو سال به دم «ن» ذحوح؟
أو فز به: عز ابدوي؟
أنا أشهد إن الله: سموح
وإن أبن آدم: ملتوي
وإن الصواب: أبو الفتوح
وإن الخطا: ما ينغوي
وإنك تروح.. أو ما تروح
بس إن ودك ترتوي
وأدري ب أنك «ديدبوح»
وإنك من الذيب اتعوي
وإنك تهذري.. وما تبوح
لنك أصيل «ن» وخلوي
يا رب.. لو جرحي قروح
بس المخاليق: اضعوي
وأوفاهم: الكلب النبوح
وأمكرهم: اللي منزوي
يكويك.. لا شافك تفوح
ويبكيك.. لا جالك دوي
الله على «الذيخ» / اللحوح
اللي قرا لي ع الروي
أسود.. وله وجه «ن» صبوح
أبيض.. ووجهه منكوي
في الليل م الوقفه ينوح
وفي الصبح لو جني: شوي!!
من صاحبه: ما له فروح
ومن فارقه: ما يهتوي
ولوين أوصف ؟.. والشروح
ما تستوي.. ما تستوي
بس الأكيد إنه فضوح
وإن الله يحب السوي