بصمة ناعمة

واسكنوا بين الرموش وظلها
ليتهم ما هاجروا أرض الديار
ليتهم يا ليتهم يا علها
التمني زايد قلبي حصار
ودمعتي في ناظري باهلها
ازرعوا في خافقي حب ووقار
موتوني قبل ياصل حلها
كم قضينا من ليالي في جوار
عشرة في دنيتي ما املها
ما يفرق بيننا كود الجدار
واهتنت عيني بشوفة خلها
جامع من الحلا ملح وسمار
والحواجب في حضوري فلها
الهروج صغار في وصفه صغار
يا بعد دق الهروج وجلها
يوم روح يلتفت لي باعتذار
من عيون سيل دمعه بلها
عن جروح من سبب بعده كبار
وحسرة في خافقي ما اشلها
قلت له والقلب في حال احتضار
خذ عيوني أو عيونك خلها
كل نظرة ما تبي غيره مدار
كل نبضه في عروقي شلها
ليتهم ما روحوا هاك النهار
واسكنوا بين الرموش وظلها
- بنت حميد