ما فقدتك

ليتني قبل أجازف وأعشقك مستخير
كان نبقى على طول الزمان أصدقا
وليت أنا وأنت نتشارك بنفس المصير
لكن الوقت قاسي والظروف محقى
شوفتك كنت أبيها بس جت فالأخير
كاتب الله يجي يوم الموادع لقا
ألتقينا وكان الدمع سرٍ خطير
ودّه يشاع لكن بالعيون اتقى
بعدها غبت لكن شف غلاك الكثير
كلما طحت من عيني خذاك ورقا
بعدك أكشف وجيه أصحاب وتصير غير
وأكشف وجيه عدواني وأحصّل نقا
مافقدتك ولكنّي غديت الفقير
أتسوّل فرح ليلة ويومي شقا
وأتظاهر بنسيانك وحزني ف«بير»
ماحدٍ حس بأحزاني ولا أحدٍ هقى
إني اللي فقدت من الورود العبير
وإني اللي رحل نصفه ونصفه بقى
يكفي إني ببقى في عيونك كبير
مانزل دمع عيني فوق الأرض وسقى
بس ياليتني قبل أعشقك مستخير
كان نبقى على طول الزمان أصدقا