تكفيني جروح الزمن والليالي

"ياللي خذيت القلب لا تجرحه زود
تكفيني جروح الزمن والليالي
ناظر محاجر عيني اللي غدت سود
تشكي جفاف الدمع والهم صالي
يا ليت عينه مارسلت برق ورعود
ويا ليت حبه والهوى ماطرا لي
بانت مخايلها ولا اسقت جفا العود
بانت وخلت ناظري فالمعالي
أراقب نجوم السما والملا رقود
واشكي على القمرا ردى صاب حالي
ياللي نسايم عطرها أجمل ورود
تسبي الخفوق اللي من الحب خالي
اصدق بوعدك والمحبه ترى وعود
وعدتني بذبحي وجرحك قضا لي
خليتي البال الشقي دوم بشرود
عايش مع همومك وطيفك لحالي
وش عاد تفرق لا جرحتيني بزود
ماعاد تفرق اجرحي ولا تبالي
مساعد بن عبد الله آل رمان